Këta çajra konsiderohen si antibiotikë natyralë - Gazeta Express

Këta çajra konsiderohen si antibiotikë natyralë

Shneta

Gazeta Express

12/03/2020 17:57

Mundësia për t’u sëmurë varet më shumë nga gjendja juaj shëndetësore dhe sistemi imunitar, sesa nga sa herë i lani duart apo i dizinfektoni, por kjo s’do të thotë që s’duhet të bëni kujdes ndaj ambientit.

Kur vjen puna për t’u mbrojtur nga sëmundjet, kujdesi nuk është asnjëherë i tepërt. Nëse plani juaj për të mos u sëmurë këtë pranverë fillon dhe mbaron me të konsumuarit të një gote më shumë lëng portokalli, ndoshta bëni mirë ta rimendoni këtë strategji.

Çaji mbetet ilaçi kryesor për të gjithë, por cili çaj funksionon më mirë?

 Çaji i Malit

Të gjithë e kemi shijuar çajin e malit, sepse wshtw shumë e shëndetshme dhe e shijshme.

Çaji i malit është një bimë e egër, që rritet në lindje të Mesdheut, veçanërisht në Ballkan.

Ashtu siç edhe emri e tregon më së miri, në male në lartësi që variojnë nga 1500 deri në 1900 metra, shpesh herë në sipërfaqe shkëmbore.

Çaji i Mentes

Ky çaj lehtëson dhimbjet dhe problemet e ndryshme të stomakut dhe ndihmon procesin e tretjes.

Lehtëson të përzierat dhe çrregullimet e spazmave, forcon sistemin imunitar ndaj gripit dhe lehtëson problemet në frymëmarrje.

Eleminon aromën e keqe të gojës dhe ndihmon në ekuilibrimin e oreksit.

Çaji i Xhenxhefilit ose Xhinxheri

Përmban nivele të larta të vitaminës C, magnezit dhe mineraleve të tjera.

Përmirëson performancën e stomakut në tretje dhe kuron problemet e ndryshme në sistemin e frymëmarrjes duke nisur nga ftohja deri te alergjitë e ndryshme.

Përmirëson qarkullimin e gjakut dhe lehtëson dhimbjet e ciklit menstrual dhe qetëson muskujt.

Për shkak të nivelit të lartë të antioksidantëve, forcon sistemin imunitar dhe ndihmon në çlirimin e stresit dhe qetësimin e sistemit nervor.

Çaji Jeshil

Çaji i gjelbër përmban përbërje bioaktive, që përmirësojnë shumë parametra të shëndetit të njeriut.

Përbërësit e çajit të gjelbër përmirësojnë funksionin e trurit dhe rrisin nivelin e djegies së yndyrnave, duke përmirësuar performancën fizike.

Në moshë të thyer, çaji i gjelbër ul rrezikun e Alzheimerit dhe Parkinsonit. Çaji i gjelbër I mbytë bakteret duke ndihmuar në shëndetin e dhëmbëve dhe uljen e riskut për infeksione./agroweb/Express