Këshilltari, zv.ministri që u bë ministër! Kush është Ervin Mete, Edi Rama i besoi financat - Gazeta Express
string(88) "keshilltari-zv-ministri-qe-u-be-minister-kush-eshte-ervin-mete-edi-rama-i-besoi-financat"

Shqiperi

Gazeta Express

04/09/2023 21:39

Këshilltari, zv.ministri që u bë ministër! Kush është Ervin Mete, Edi Rama i besoi financat

Shqiperi

Gazeta Express

04/09/2023 21:39

Ervin Mete do të jetë ministri i ri i Financave dhe Ekonomisë së Shqipërisë duke zëvendësuar Delinda Ibrahimajn e cila u emërua në shtator 2021.

Mete ka qenë Këshilltar i kryeministrit Rama për çështjet ekonomike dhe financiare në maj 2017-tetor 2017. Ervin Mete ka shërbyer më parë si zëvendësministër i Financave dhe zëvendësministër i Ekonomisë në periudhën 2013-2017.

Më herët mbante detyrën e Drejtorit të Përgjithshëm Ekzekutiv të Autoritetit të Mbikëqyrjes Financiare (AMF) prej majit të vitit 2020, ndërsa më herët kishte mbajtur detyrën e Kryetarit të Bordit të Autoritetit.

Ministri i ri ka mbajtur edhe pozicionin e Koordinatorit Kombëtar për “Programin e Reformave Ekonomike me Bashkimin Evropian”. Sakaq ka drejtuar grupin e nivelit të lartë mes Qeverisë dhe Bankës së Shqipërisë për reduktimin e kredive të këqija në sistemin bankar dhe ka mbajtur pozicionin e koordinatorit kombëtar për Programin e Reformave Ekonomike me BE.

Mete është lektor i së drejtës fiskale pranë Shkollës së Magjistraturës. Ai ka shërbyer si ekspert dhe konsulent i Bankës Botërore (2011), Komisionit Evropian (2008) dhe PNUD-it (2007).

Ai ka diplomë Master nga Universiteti i Harvardit në SHBA dhe është i specializuar në të drejtë korporatash dhe nga Shkolla Ekonomike e Londrës (LSE), në të drejtë fiskale.

/Gazeta Express