Kërcet arma në Korçë/ Sherr mes disa të rinjve, dy të plagosur

Shqiperi

Gazeta Express

10/12/2023 13:00

Një sherr në qytetin e Korçës përfundoi me dy persona të plagosur, njëri me armë zjarri dhe tjetri me sende të forta.

Mësohet se personat e përfshirë në konflikt sipas burimeve nga policia kanë qenë në gjendje të dehur.

Njëri prej personave ka debatuar me palën tjetër teksa ishin duke dalë nga lokali dhe në gjendje të dehur kërkonte që ti hapnin rrugën.

Kaq ka mjaftuar që të fillonin një konflikt i cili degradoi në përdorimin e armës dhe mjeteve të tjera të forta.

Nga ky konflikt mbetën të plagosur dy persona të cilët aktualisht janë duke marrë mjekim në spitalin e Traumës në Tiranë.