Këngëtari kumanovar Shpend Latifi në profilin e tij në Fejsbuk është prononcuar rreth mbajtjes së dasmave.
Ai thotë se gjendja është e rëndë e kritike me pandeminë dhe se në këto kushte është kundër realizimit të dasmave.
“Sa i përket mbajtjes së dasmave, vetë bëj pjesë në këtë grup, por gjendja momentale me pandeminë është kritike dhe për tani jam kundër një gjëje të tillë. Sigurisht që kjo e dëmton gjendjen ekonomike, ka dëmtuar bizneset e jo vetëm tek ne”, shkruan Latifi, njofton news33.
Shpendi më tej shkruan se është e vërtetë se një pjesë e madhe e kolegëve muzikantë sigurojnë të ardhurat vetëm përmes dasmave, megjithatë në rend të parë e kemi shëndetin tonë dhe të të tjerëve.
“Besoj se kriza me pandeminë është nga fundi, por tani rreziku është i madh. Sa më shumë të kujdesemi, aq më shpejtë do ta kalojmë këtë situatë e të vazhdojmë këngën”, përfundon këngëtari Shpend Latifi.