Këngëtari kinez censurohet për shkak të ngjashmërisë me presidentin - Gazeta Express

Lajme

Gazeta Express

30/06/2020 15:56

Këngëtari kinez censurohet për shkak të ngjashmërisë me presidentin

Lajme

Gazeta Express

30/06/2020 15:56

Një këngëtar i famshëm i operës në Kinë është censuruar rregullisht në internet për shkak të ngjashmërisë së madhe në fytyrë me presidentin e këtij shteti, Xi Jinping.

Liu Keqing, 63 vjeç, është përballur me bllokim të llogarisë në rrjetin social Douyin disa herë për shkak të ngjashmërisë me presidentin kinez, kanë raportuar disa medie kineze.

Kina është kritikuar për mbrojtjen e madhe që ia bën figurës së presidentit Jinping pasi ky shtet më parë e ka censuruar një figurë të animuar kur përdoruesit e internetit kishin filluar ta krahasonin atë me kreun e shtetit, shkruan “Daily Mail”, transmeton Gazeta Express.

Këngëtari kinez që jeton në Berlin ka ofruar këshilla për këtë profesion përmes llogarisë së bllokuar që nga viti i kaluar. Në këtë rrjet, këngëtari Keqing i kishte 41,000 ndjekës.

Ai në maj e kishte publikuar një video ku pretendonte se llogaria e tij në Douyin është censuruar me arsyetimin se ka bërë shkelje të imazhit.

Keqing tha se i ka dorëzuar materialet e identifikimit dhe është duke pritur për aprovim të llogarisë. Për më tepër, ai shtoi se llogaria i është bllokuar tri herë.