Këndellet Prishtina, fiton pastër ndaj Trepçës ’89 në Mitrovicë

Sport

Gazeta Express

27/11/2022 15:08

Pas katër ndeshjeve radhazi pa fitore (dy barazime e dy humbje), skuadra e Prishtinës është rikthyer te fitorja në Superligën e Kosovës.

Kryeqytetasit fituan në udhëtim kundër Trepçës ’89, në ndeshjen e vlefshme për javën e 18-të, shkruan Gazeta Express.

Ndeshja e zhvilluar sot në stadiumin “Riza Lushta” përfundoi me rezultatin 0:3.

Kreshnik Uka (39’ – nga penalltia), Muhamed Useini (50’) dhe Ramiz Bytyqi (94’) shënuan në fitoren e skuadrës “bardhekaltër”.

Prishtina pas kësaj fitore ka 26 pikë dhe renditet e katërta në tabelë, kurse Trepça ’89 është e parafundit (9) me 18 pikë.

Të dy skuadrat do të zhvillojnë edhe nga një ndeshje të mbetur për këtë vit.

Ashtu si Prishtina, edhe Trepça ’89 për kundërshtar në ndeshjen e mbetur e ka Ballkanin. /Gazeta Express/