KB Peja publikon një fotografi në shenjë revolte, thotë se reagimet janë vetëm sa për “sy e faqe”

Sport

Gazeta Express

18/09/2023 17:53

KB Peja ka reaguar për incidentet që ndodhën mbrëmë në ndeshjen finale të Superkupës së Kosovës, ndaj Trepçës.

Klubi pejan ka vlerësuar se reagimet dhe deklaratat për incidentet e së dielës janë vetëm sa për sy e faqe, shkruan Gazeta Express.

“Verdhezinjtë” gjithashtu shtuan se në vendin tonë çdo gjë kalon pas disa ditësh, duke iu referuar se pastaj sërish ndodhin gjerat e njëjta.

KB Peja publikoi një fotografi të Lis Shoshit, duke u përkujdesur për sigurinë e tifozit të veçantë pejan, në palestrën “13 Qershori” të Suharekës.

Reagimi i plotë nga klubi i Pejës (pa ndërhyrje):

Reagimet dhe deklaratat për ndodhitë e natës së kaluar në Suharekë janë vetëm sa për sy e faqe, të gjithë e dijmë se në Kosovën tonë të dashur çdo gjë kalon për vetëm 2-3 ditë.

Po e shpërndajmë me ju si shenjë revolte një fotografi e cila ka përmbajtje “dashurie dhe kujdesi”.

Në foto:

Lis Shoshi duke u kujdesur për sigurinë e Mehdi-së në palestrën “13 Qershori” të Suharekës.

Mehdi kupën nuk e fituam, t’kërkojmë falje, por e kuptuam se sa e bashkume osht kjo Pejë kur në pytje është njëri-tjetri.

Vazhdojmë tutje, pa frikë e dyshim, drejt sezonit 23/24

T’bashkum se #ZemraRrehMeTy”.

Kujtojmë se lidhur me incidentet në finalen e Superkupës kanë reaguar edhe nga Ministria e Kulturës Rinisë dhe Sportit (MKRS), Federata e Basketbollit e Kosovës (FBK), nga fituesi i trofeut KB Trepça dhe të tjerët. /Gazeta Express/