Kategorizimi i sportistëve për vitin 2023, Distria e Nora me pikë maksimale

Sporte tjera

Gazeta Express

01/02/2023 13:37

Sot është bërë kategorizimi i sportistëve kosovarë për vitin 2023.

Me këtë rast, komisioni ka vendosur që xhudistet Distria Krasniqi dhe Nora Gjakova t’i vlerësojë me maksimum pikësh, nga 100.

Pas medalisteve të arta olimpike gjendet olimpistja tjetër kosovare, Majlinda Kelmendi me 60 pikë, njëjtë si xhudisti Akil Gjakova, shkruan “Gazeta Express”.

Ndërkohë, është bërë kategorizimi i sportistëve edhe në sportet si boksi, karateja dhe të tjera.

Në total, 35 sportistë janë kategorizuar për vitin 2023, bazuar në rezultatet e tyre.

Të gjithë do të përfitojnë mbështetje financiare nga Ministria Sportit.

Paraprakisht, dje u bë kategorizimi i sporteve të Kosovës, me ç’rast futbolli u ngrit nga pozita e gjashtë që e mbante vitin e kaluar, në atë të dytë me 100 pikë, sa u vlerësua edhe sporti më i suksesshëm – xhudoja. /Gazeta Express/