Kapet kokainë në Shkup, në vlerë të 10,000 euro

Lajme

Gazeta Express

05/08/2025 10:40

Në orët e para të ditës së sotme, Policia në Shkup ka ndaluar personin E.E. 41 vjeç nga Shkupi, pasi sipas Ministrisë së Punëve të Brendshme, gjatë bastisjeve në shtëpinë e tij, janë gjetur 100 gr kokainë.

“Gjatë kontrollit, policia ka zbuluar dhe ka sekuestruar një qese me rreth 100 gramë substancë pluhuri – kokainë, vlera e së cilës vlerësohet të jetë rreth 10.000 euro. Në koordinim dhe me udhëzimet e prokurorit kompetent, personi është ndaluar dhe është shoqëruar në Stacionin Policor me juridiksion të përgjithshëm në Bit Pazar, ku është mbajtur për procedura të mëtejshme. Pas dokumentimit të plotë të rastit, ndaj tij do të ngrihet kallëzim përkatës”, thonë nga MPB./TV21