Kapen rreth 3 mijë bimë kanabis në Shkodër

Lajme

Gazeta Express

13/07/2025 10:47

Gjatë një serie kontrollesh të koordinuara në qarkun e Shkodrës, policia ka gjetur dhe asgjësuar 2943 bimë të dyshuara si Cannabis Sativa, të kultivuara në disa zona të ndryshme të rajonit.

Ky është pjesë e operacionit të koduar “Koordinata”, që ka si qëllim goditjen e rasteve të kultivimit të kanabisit dhe parandalimin e përdorimit të tij të paligjshëm.

Zonat e kontrolluara dhe sekuestrimi i bimëve janë Pult dhe Shosh 735 bimë të dyshuara, Kastrat dhe Gruemirë 1631 bimë të dyshuara, Temal dhe Shllak 139 bimë të dyshuara, Luf-Qerret dhe Gjegjan 438 bimë të dyshuara.

Për këto raste, janë proceduar penalisht dy punonjës të sektorëve të pyjeve dhe zonave të mbrojtura për shpërdorim detyre. Personat e proceduar janë V. P., roje pyjesh dhe A. K., roje e zonave të mbrojtura.

Policia e Shkodrës, me mbështetje nga komisariatet e tjera të rajonit, ka intensifikuar kontrollet dhe hetimet për të identifikuar dhe ndaluar autorët e kultivimit të kanabisit.

Operacioni i koduar “Koordinata” po vazhdon në të gjithë territorin e Shkodrës, duke u fokusuar në identifikimin dhe kapjen e autorëve të kultivimit të paligjshëm të bimëve narkotike.