Kaos në Francë: Qindra protestues përpiqen të pushtojnë metronë e Parisit, mjekët në grevë

Lajme

Gazeta Express

10/09/2025 12:15

Policia franceze arrestoi gati 200 persona të mërkurën në fazat e hershme të protestave “Blloko gjithçka”, të thirrura nga një koalicion i lirshëm i krahut të majtë mes zemërimit publik ndaj udhëheqjes dhe politikave të kursimit të Presidentit Emmanuel Macron.

Protestat vijnë ndërsa kryeministri i ri francez Sébastien Lecornu, kryeministri i pestë i vendit në më pak se dy vjet, merr detyrën.

Gati 1,000 persona janë mbledhur pranë stacionit të metrosë Gare du Nord në Paris. Protestuesit po përpiqen të hyjnë dhe policia po përdor gaz lotsjellës.

“Një mijë individë të vendosur u përpoqën të sulmonin stacionin Gare du Nord”, tha departamenti i policisë së Parisit, duke shtuar se policia i pengoi ata.

#Paris, les manifestants essayent de pénétrer dans la Gare du Nord. La police fait usage de gaz lacrymogène. #streetreporter #france #onbloquetout #10septembre #blocus #bloquonstout #10septembre2025 #blocus #manifestation pic.twitter.com/0YMheEOyRC

— Jules Ravel (@JulesRavel1) September 10, 2025

Disa protesta u mbajtën jashtë shkollave të mesme të Parisit të mërkurën në mëngjes dhe në qytete të tjera franceze si Rennes dhe Montpellier.

Në Paris, bllokada u kryen në Henri-IV dhe Lavoisier në arondissementin e 5-të, Lamartine në të 9-tin, Voltaire në të 11-tin, Claude-Monet në të 13-tin dhe Hélène-Boucher në të 20-tin, raportuan gazetarët e AFP-së.

Rreth njëqind të rinj, disa me kapuçë, u mblodhën para Lavoisier herët në mëngjes.

– “Po bllokojmë sepse kujdesemi për shëndetin tonë mendor”, “Për të mbushur xhepat e tyre, Bayrou po na hakmerr” – shkruhej në pankarta.

– Na ka ardhur në majë të hundës gjithçka sepse ndihemi si një brez i viktimizuar sepse, për shembull, në shkollë nuk ka para për asgjë – tha për AFP-në Yonah, 17 vjeç, studente e vitit të fundit.

Në një spital të Parisit, disa punonjës hynë në grevë.

Aurélia Abdelbost, një gazetare për FRANCE 24, raportoi se disa punonjës janë në grevë dhe po protestojnë kundër shkurtimeve të buxhetit dhe përkeqësimit të kushteve të punës, thotë Abdelbost.