Kane thyen një rekord pas katër golave të shënuar sonte ndaj Dinamo Zagrebit

Futboll

Gazeta Express

17/09/2024 23:18

Bayern Munich shënoi fitoren të thellë në “Allianz Arena”, me rezultat 9-2 ndaj Dinamo Zagrebit në sfidën hapëse të Ligës së Kampionëve.

Ndërkohë performancë të shkëlqyer bëri Harry Kane i cili realizoi katër gola, shkruan Gazeta Express.

Kane serinë e golave e nisi në minutën e 19-të, falë një penalltie.

Golin e dytë, anglezi e realizoi në minutën e 57-të pas një asistimi nga Kimmich.

Për të kompletuar hattrickun, ish-sulmuesi i Tottenhamit realizoi sërish nga penalltia, në minutën e 73-të.

Kurse pesë minuta më vonë kompletoi ‘pokerin’, me një tjetër realizim nga 11-metërshi.

Falë këtij katër golëshi ai u bë golashënuesi më i mirë anglez në histori të Ligës së Kampionëve, me 33 gola.

🏴󠁧󠁢󠁥󠁮󠁧󠁿 The best English goalscorer ever in Champions League with 33 goals.

🇩🇪 53 goals in 50 games as Bayern player.

4️⃣ Four goals tonight, three goals last game.

Harry Kane. 🔴🎩 pic.twitter.com/V1vv1kBtRG

— Fabrizio Romano (@FabrizioRomano) September 17, 2024

Gjithashtu ai ka shënuar 53 gola në 50 ndeshje me klubin gjerman./Gazeta Express