Kandidati presidencial kërkon që Lionel Messi të tërhiqet “me fanellë dhe në fushë” te Barcelona

Sport

Gazeta Express

21/02/2026 22:17

Kandidati për president të FC Barcelona, Víctor Font, ka sugjeruar që Lionel Messi të mbyllë karrierën duke u përshëndetur me tifozët në fushë dhe me fanellën blaugrana pas përfundimit të Botërorit dhe sezonit në MLS në vitin 2026.

Font propozon gjithashtu që Messi të marrë titullin President Nderi, duke e bërë figurën e tij pjesë të përjetshme të klubit. Ai theksoi se Messi reflekton vlerat e Barcelonës si futbollist dhe person, ndërsa lidhja me të mund të sjellë edhe përfitime komerciale afatgjata.

Në fjalën e tij, Font kritikoi administratën aktuale dhe e përmendi Joan Laporta si pengesën kryesore për rikthimin e yllit argjentinas. /GazetaExpress