Kandidati i AAK’së për deputet, Mumin Morina: Reforma për ujin, prioritet i qeverisjes Haradinaj, synimi: Furnizim 24/7

Zgjedhjet

Gazeta Express

24/12/2025 12:54

Udhëheqës i departamentit për ujë dhe politika mjedisore në kuadër të Aleancës për Ardhmërinë e Kosovës si dhe kandidat për deputet nga kjo parti, Mumin Morina, ka thënë se nëse qeverisja e re do të udhëhiqet nga Ramush Haradinaj, prioritet do të jetë reforma për ujin.

Morina, ka deklaruar se, humbjet në sistemet e ujësjellësit mbeten alarmante, të cilat ai ka deklaruar se janë rreth 60%, si pasojë e infrastrukturës së amortizuar dhe fragmentimit institucional.

Kësisoj, ka thënë kandidati i AAK’së për deputet, një qeverisje e Haradinajt, do ta vendosë sektorin e ujit në qendër të reformave strategjike.

Postimi:

Reforma për ujin – prioritet i qeverisjes Haradinaj

🌍 Ndryshimet klimatike po sjellin thatësira të zgjatura, rënie të rezervave ujore dhe rrezik serioz për sigurinë e furnizimit me ujë.

🚰 Pavarësisht investimeve të konsiderueshme ndër vite, humbjet në sistemet e ujësjellësit mbeten alarmante – rreth 60% – si pasojë e infrastrukturës së amortizuar dhe fragmentimit institucional.

🔄 Zgjidhja qëndron në një reformë të thellë strukturore, të bazuar në modelin e reformës së sektorit të ujit në Shqipëri.

🏛️ Thelbi i reformës:

✔️ Krijimi i Operatorit Kombëtar të Ujit

✔️ Konsolidim institucional dhe depolitizim i sektorit

✔️ Ndarje funksionale në nivel sektori: prodhimi i ujit dhe shpërndarja e tij

✔️ Standardizim i shërbimeve dhe optimizim i kostove

💧 Operatori Kombëtar i Ujit do të ketë rol rregullator dhe mbikëqyrës në nivel vendi, duke integruar 7 kompanitë rajonale në një strukturë të vetme, profesionale dhe me përgjegjësi të qarta – sipas modelit të konsolidimit të ujësjellësve në Shqipëri.

🏢 Kompanitë rajonale do të vazhdojnë operimin në terren, por nën menaxhim të centralizuar, me kontrata performance dhe monitorim të vazhdueshëm.

🤝 Përfshirja e sektorit privat, përmes menaxhimit modern dhe partneriteteve publike-private, do të mundësojë:

📉 uljen e humbjeve teknike dhe komerciale

📈 rritjen e arkëtimit

🛠️ modernizimin e rrjetit dhe digjitalizimin e shërbimeve

🎯 Synimi: furnizim 24/7 me ujë të sigurt, qëndrueshmëri financiare dhe përmbushje e standardeve evropiane.

🟦 Qeveria e ardhshme e udhëhequr nga AAK, me Ramush Haradinajn, do ta vendosë sektorin e ujit në qendër të reformave strategjike.

💧 Reforma në ujë = konsolidim, profesionalizim dhe shërbim dinjitoz për çdo qytetar.