“Kanadaja ‘e fortë dhe e lirë”, mbreti Charles mban fjalim në hapjen e legjislaturës së re kanadeze

Lajme

Gazeta Express

27/05/2025 22:42

Mbreti Charles ka mbajtur një fjalim të rëndësishëm në hapjen e parlamentit në Kanada, në të cilin ai kërkoi të përcaktonte vendin e tij në një botë të pasigurt dhe marrëdhënien e tij me SHBA-në.

Fjalimi në Otavë përcaktoi prioritetet për kryeministrin e ri Mark Carney, liberalët e të cilit fituan zgjedhjet e përgjithshme të vendit në prill – një fushatë që u dominua nga kërcënimet e Presidentit të SHBA-së Donald Trump ndaj pavarësisë së Kanadasë.

Charles tha se marrëdhëniet me partnerët, përfshirë SHBA-në, po ndryshonin dhe ai theksoi sovranitetin e të dy kombeve, ka raportuar BBC, transmeton Gazeta Express.