FC Prishtina dje ka mësuar kundërshtarin në kuadër të fazës preliminare për Champions League. Kampionia e Kosovës do të luajë ndaj kampionit të San Marinos, Folgore, shkruan Gazeta Express.
Ndeshja mes tyre do të zhvillohet më 22 qershor. Gazeta Express ka kontaktuar me trajnerin e Folgores, Omar Lepri. Ai tha se ndihen të nderuar që po luajnë ndaj një ekipi kaq të rëndësishëm.
“Jemi shumë të lumtur me shortin dhe jemi të nderuar që po luajmë ndaj një ekipi kaq të rëndësishëm. Ekipi jonë është i përbërë nga lojtarë joprofesionistë dhe për ne është vërtetë nder i madh të luajmë ndaj futbollistëve profesionistë si ata. Ne po stërvitemi për të bërë më të mirën tonë”, tha Lepri për Express.
Kjo është hera e dytë që Folgore merr pjesë ne raundin preliminar të Champions Leagues. Hëra e parë për ta ishte viti 2015.
Në anën tjetër, kjo është hera e parë për Prishtinën që luajnë në parakualifikimet e garës më prestigjioze evropiane për klube. /Gazeta Express