Kadri Veseli kthehet në Kosovë nga Haga

Lajme

Gazeta Express

02/05/2021 17:20

Ish-kryetari i Partisë Demokratike të Kosovës, Kadri Veseli, është liruar për vizitë nga Haga ku po mbahej në paraburgim si i dyshuar për krime lufte.

Klan Kosova raporton se Veseli është liruar për ta vizituar babanë e tij i cili ndodhet në spital në gjendje të rëndë shëndetësore.

Me t’u kthyer në Kosovë, Veseli ka vizituar spitalin e Mitrovicës “Dr.Sami Haxhibeqiri”, dhe po ruhet nga forca të shumta të sigurisë, përfshirë Policinë e Eulex-it.

Ende nuk dihet për sa kohë do të qëndrojë ai në Kosovë.

Gazeta Express ka tentuar ta konfirmojë këtë informacion, por nuk u janë përgjigjur telefonatave, as Avni Bytyçi nga ekipi i Veselit e as nga Spitali i Mitrovicës.