Juventusi mposht Lazion dhe kalon në gjysmëfinale të Kupës së Italisë

Futboll

Gazeta Express

02/02/2023 22:55

Juventusi është rikthyer te rezultatet pozitive dhe fitoret.

Pas 15 pikëve të hequra në ligë nga Federata Italiane e Futbollit dhe dy ndeshjeve të dobëta që realizoi, tani Juventusi ka arritur një fitore të rëndësishme.

“Zonja e Vjetër” e mposhti minimalisht 1:0 në shtëpi Lazion në çerekfinale të Kupës së Italisë, për ta prerë njërën nga katër biletat që dërgojnë në gjysmëfinale.

Ndeshja prodhoi vetëm një gol, i cili erdhi në fund të pjesës së parë, shkruan Gazeta Express.

Ishte Bremer i cili realizoi në minutën e 44-të, pas asistimit nga Kostic.

Ndeshja në vazhdim nuk prodhoi edhe shumë raste shënimi, me Lazion që kishte deri diku administrimin e ndeshjes, në përpjekje për ta barazuar rezultatin.

Kësisoj, Juventusi arrin të kualifikohet në gjysmëfinale të Kupës së Italisë, kurse rrugëtimi i ekipit të Sarrit ndalon këtu sa i përket këtij kompeticioni. /Gazeta Express/