Juventusi ka shtatë vite që nuk fiton si vendas ndaj Atalantës

Futboll

Gazeta Express

26/09/2025 20:57

Juventus pret Atalantën në “Allianz Stadium” të Torinos të shtunën mbrëma, teksa “Bianconerët” synojnë t’i japin fund një serie zhgënjyese rezultatesh në shtëpi kundër “La Dea”.

Herën e fundit që “Bianconerët” mposhtën Atalantën në Torino ishte në mars 2018, kur “Zonja e Vjetër” triumfoi 2-0 ndaj kundërshtarit.

Në atë ndeshje, golat e Gonzalo Higuain dhe Blaise Matuidi mjaftuan për t’i siguruar tre pikët, ndërsa ylli aktual i Romës, Gianluca Mancini, u përjashtua me karton të kuq për “La Dea” dhjetë minuta para fundit.

Që atëherë, Juventusi nuk ka fituar asnjë nga shtatë ndeshjet e fundit në shtëpi kundër Atalantës.

Në mars të këtij viti, “Bianconerët” pësuan një humbje të rëndë 4-0 në shtëpi kundër Atalantës, ndërsa në sezonin 2023-24, përballja përfundoi 2-2.

Sezoni 2022-23 solli një ndeshje klasike, me “Bianconerët” që u rikthyen dy herë nga disavantazhi për të marrë një pikë në barazimin 3-3.

Juventusi do të shpresojë t’i japë fund këtij rekordi këtë fundjavë dhe nisja e fortë e sezonit është një arsye për optimizëm në kampin e tyre./GazetaExpress/