Jesse Lingard i përgjigjet një tifozi që e akuzoi atë  se “shkatërroi kulturën e fitores së United”

Futboll

Gazeta Express

12/02/2025 21:59

Jesse Lingard ka reaguar ndaj një tifozi që e akuzoi atë, Marcus Rashford dhe Paul Pogba për “shkatërrimin e kulturës së fitores” te Manchester United gjatë kohës së tyre në Old Trafford.

Mesfushori 32-vjeçar, i cili kaloi 22 vite te United para se të largohej për te Nottingham Forest në 2022, aktualisht luan në elitën e futbollit të Koresë së Jugut, me skuadrën e FC Seoul në K League 1.

Lingard më parë ka folur hapur për largimin e tij nga Old Trafford, duke zbuluar në një intervistë për SPORTbible se dëshironte një sfidë të re pas më shumë se dy dekadave në Manchester.

Të mërkurën pasdite, ai përmendi sërish kohën e tij te United, pasi një tifoz e akuzoi për “shkatërrimin e kulturës” në klub.

Postimi në Twitter, i publikuar në dhjetor të vitit të kaluar, shkruante:

“Ai, Pogba dhe Rashford shkatërruan kulturën e klubit. Edhe Rooney e ka pranuar. Ata krijuan një kulturë të tyre pas largimit të Sir Alex.”

Më shumë se gjashtë javë më vonë, Lingard iu përgjigj tifozit në X (Twitter), duke shkruar:

“Më shpjego si unë, Paul dhe Marcus shkatërruam kulturën e Manchester United?”

Dhe më pas shtoi: “Po pres një shpjegim???????”

Një tjetër tifoz i reagoi komentit të Lingard, duke shkruar:

“Ju na bëtë të luajmë mirë, por disa idiotë që ‘mbështesin’ këtë klub nuk e pëlqejnë këtë, sepse ju vallëzonit dhe argëtoheshit.”

Lingard u përgjigj:

“Lool, ne thjesht po e shijonim jetën, sepse luanim për klubin më të madh në botë. Sigurisht që bëmë gabime dhe mësuam prej tyre, por normalisht që do të kënaqeshim, do të buzëqeshnim dhe do të kërcenim.”

Në fund të vitit 2022, Lingard pranoi se u largua nga Manchester United për shkak të premtimeve të thyera rreth minutave në fushë.

“Ishte çështja e kohës së lojës,” tha ai kur u pyet për arsyen kryesore të largimit të tij. “Është gjithmonë e vështirë të luash te United, por mungesa e minutave ishte faktori kryesor. Thjesht doja të luaja futboll dhe ky ishte synimi kryesor. Nuk kishte kuptim të qëndroja aty nëse nuk do të luaja.”

“Doja të shkoja në një ekip të ri, të luaja rregullisht dhe të isha i lumtur në fushë”, shtoi ai. /GazetaExpress/