“Jehonat e Heshtjes” në Kino Lumbardhi

Arte

Gazeta Express

03/10/2024 15:09

Në ‘Lumbardhi’ organizohet aktivitet “Jehonat e Heshtjes” më 4 nëntor me fillim nga ora 18:00.

Ky aktivitet është pjesë e projektit të Fondacionit Jahjaga “Përfshirja e të Rinjve në Drejtësinë Tranzicionale përmes Perspektivës Gjinore” që është mundësuar me asistencën e projektit rajonal Mbështetja e BE-së për Ndërtimin e Besimit në Ballkanin Perëndimor, i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP).

Shfaqja është një instalacion artistik gjithëpërfshirës që kombinon rrëfimet dhe muzikën për të ndriçuar përjetimet e komunitetit rom në Kosovën pas konfliktit. Duke përfshirë aktorë dhe muzikantë, projekti paraqet rrëfime personale që eksplorojnë ndërthurjen e diskriminimit etnik, dhunës me bazë gjinore dhe rezistencës. Përmes bashkimit të muzikës ballkanike, tradicionale rome me tinguj bashkëkohorë, instalacioni ofron një përvojë të fuqishme emocionale.