“Janë shëndosh e mirë” – Gjenden katër motoristët e humbur në Shtërpcë

Lajme

Gazeta Express

11/05/2025 0:50

Kryetari i Suharekës, Bali Muharremaj, ka konfirmuar se katër motoristët që u zhdukën në Shtërpcë janë gjetur shëndosh e mirë.

Me të marrë lajmin për zhdukjen e katër motoristëve nga Suhareka, Muharremaj iu bashkëngjit policisë në malet e Shtërpcës, për të ndjekur nga afër operacionin e kërkim-shpëtimit, shkruan IndeksOnline.

Katër motoristët u gjeten në pjesën malore të quajtur Rrokopeq, pranë fshatit Maçitevë të Suharekës.

Gjendja e tyre shëndetësore është e mirë, dhe për gjetjen e tyre ishin angazhuar njësitet policore dhe Shoqata e Kosovës për Kërkim dhe Shpëtim.