Ismaili: Kryetari aktual e degradoi kryeqytetin, koha për Prishtinën po vjen

Lajme

Gazeta Express

13/09/2025 20:16

Kandidati i PDK’së për kryetar të Prishtinës, Uran Ismajli në fjalimin e tij gjatë hapjes së fushatës “Koha për Prishtinën”, tha se gara e tyre është garë e optimizmit, shpresës, fitores dhe projekteve të mëdha.

Ismaili tha se kryetari aktual e degradoi Prishtinën dhe nuk u brengos fare për pasojat e ‘eksperimenteve’ të tij.

“Koha për qytetin po vjen, koha për fëmijët tonë, me shkëndijë në sy, koha për Prishtinën po vjen.  Në 4 vitet e fundit e kemi pa që Prishtina është në kaos, për shkak të një kryetari që erdhi nga jashtë, e tentonte me shkop magjik për këtë qytet, po na degradoj Prishtinën e na mbyti shpresën. A  e meriton këtë besim një njeri që nuk brengoset aspak për pasojat e eksperimenteve të tij në kryeqytet. Unë nuk e shoh Prishtinën si fushë betejë politike, kjo është shtëpia ime.

Me Prishtinën e ëndrrave të mëdha. Qyteti ynë është qytet i ëndrrave të mëdha”, tha Ismaili.

Në këtë tubim, Ismaili do të shpalosë programin e tij zgjedhor dhe pesë zgjidhjet kryesore për një Prishtinë funksionale dhe të jetueshme, duke prezantuar gjithashtu edhe ekipin e asambleistëve me të cilët synon të qeverisë kryeqytetin në katër vitet e ardhshme.

Ai ka paralajmëruar se për secilën lagje të Prishtinës do të ketë plane dhe buxhet të dedikuar, të cilat do t’u përgjigjen drejtpërdrejt problemeve specifike të banorëve.