Ishte i kërkuar me urdhëresë gjykate, arrestohet 37-vjeçari në Ferizaj

Lajme

Gazeta Express

25/02/2026 17:23

Policia e Kosovës ka njoftuar se ka arrestuar një person në Ferizaj, i cili ishte i kërkuar me urdhëresë gjykate.

Nga policia bëhet e ditur edhe se, i arrestuari F.R, 37 vjeçar, ishte i kërkuar nga Gjykata Themelore në Prishtinë dhe ishte i dënuar me 40 (dyzet) ditë burgim për veprën penale “Ngacmimi”.

Njoftimi:

Arrestohet në Ferizaj një person i kërkuar me urdhëresë gjykate

Me datën 25.02.2026, rreth orës 11:30, në rrugën “Sali Çeku” në Ferizaj, policët e stacionit policor në Shtime kanë arrestuar personin e kërkuar me inicialet F.R. (37 vjeç), i cili ishte në kërkim në bazë të urdhëresës së lëshuar nga Gjykata Themelore në Prishtinë dhe ishte i dënuar me 40 (dyzet) ditë burgim për veprën penale “Ngacmimi”.

Pas arrestimit dhe kompletimit të dokumentacionit është dërguar në vuajtje të dënimit.