Ish-zëdhënësi i Aleancës Veriatlantike në kohën e luftës, Jamie Shea: Nuk dua të vdes pa e parë Kosovën në NATO

Lajme

Gazeta Express

24/03/2026 19:37

Ish-zëdhënësi i aleancës veriatlantike, Jamie Shea, ka thënë se nuk dëshiron të vdesë pa e parë Kosovën në NATO.

27 vite pas ndërhyrjes së NATO-s, ai theksoi se është shumë i lumtur që NATO-ja e bëri atë fushatë ajrore.

“Nuk ka qenë e lehtë as të arrihej konsensusi për ta bërë një gjë të tillë dhe operacioni ushtarak ka qenë i vështirë dhe i komplikuar siç e din secili në Kosovë. Por 27 vjet më vonë, unë mendoj se ishte gjëja e duhur për ta bërë. Ishte e nevojshme…”, tha Shea për emisionin “Interaktiv” të KTV-së.

Tutje, Shea tha:

“Do të isha sigurisht shumë i irrituar nëse e lë këtë botë pa e parë Kosovën si pjesë të NATO-s dhe mendoj se kjo gjë do të ndodhë. Mendoj se Aleancës së NATO-s i duhet më shumë imagjinatë kur bëhet fjalë për Kosovën. Nuk mund të lejojmë që çështja e mosnjohjes nga disa aleatë tanë që ta bllokojë progresin. Në vështrimin tim, nuk ka ndonjë arsye që Kosova mos të jetë anëtare e plotë e Partneritetit për Paqe”, tha Shea.