Ish ushtari më i dekoruar i Australisë, Ben Roberts-Smith, akuzohet për krime lufte në Afganistan

Lajme

Gazeta Express

07/04/2026 11:04

Ish-ushtari australian, njëkohësisht një nga figurat më të dekoruara të ushtrisë së Australisë,
Ben Roberts-Smith, është arrestuar dhe akuzohet për krime lufte që dyshohet se i ka kryer gjatë shërbimit të tij në Afganistan. 47-vjeçari u ndalua në aeroportin e Sidneit dhe përballet me pesë akuza, përfshirë vrasje, bashkëpunim në vrasje dhe ndihmë në kryerjen e tyre, ndërsa autoritetet pretendojnë se viktimat kanë qenë të paarmatosura dhe se disa prej tyre janë vrarë me urdhër të tij, raporton BBC.

Rasti vjen pas një vendimi civil të vitit 2023, ku një gjykatë federale gjeti se Roberts-Smith kishte marrë pjesë në disa vrasje, edhe pse ai i ka mohuar vazhdimisht akuzat, duke i quajtur ato të pavërteta dhe dashakeqe. Hetimet lidhen edhe me raportin e njohur si Brereton Report, i cili në vitin 2020 zbuloi prova të besueshme për vrasje të paligjshme nga forcat speciale australiane në Afganistan.

Autoritetet australiane theksojnë se hetimet janë shumë të vështira për shkak të mungesës së qasjes në vendngjarje dhe provave fizike, dhe shtojnë se rastet e tilla përfshijnë vetëm një pjesë shumë të vogël të ushtrisë. Ndërkohë, kryeministri Anthony Albanese ka refuzuar të komentojë mbi çështjen duke theksuar rëndësinë e pavarësisë së procesit gjyqësor