Ish-kryetari i komunës paralele të Dragashit punësohet nga Agjencia e Statistikave

Lajme

Gazeta Express

26/02/2024 21:11

Gazetar: Selamir Qerimi

Objektin ku punoi ilegalisht për gjysmë viti, Policia ia mbylli fiks para 1 muaji.

Por, ish-kryetari i Komunës Paralele të Dragashit, Vezaip Omeroviq ka gjetur punë sërish.

Kësaj radhe në institucione të Kosovës.

Ai është njëri nga 15 persona e përzgjedhur nga Agjencia e Statistikave të Kosovës si mbikëqyrës për regjistrimin e popullsisë që do të zhvillohet nga 5 prilli deri më 17 maj të vitit 2024.

Siç merr vesh T7, Vezaip Omeroviq e ka udhëhequr si ushtrues detyre komunën paralele të Gorës që nga 3 nëntori i vitit, pas shkarkimit të Neim Sahtijarit nga kjo pozitë.

Po ashtu, televizioni merr vesh se i njëjti është edhe anëtarë i Partisë Unike Gorane, kryetar i së cilës është Adem Hoxhës.

Ky i fundit i ishte bashkuar Listës Serbe në nëntor të vitit 2020, pas largimit të tij nga Grupi Parlamentar, 6 plus.

Por, Omeroviq nuk është i vetmi person i strukturave paralele që është agnazhuar nga ASK-ja.

Kronikën e T7 mund ta shikoni KËTU