Ironia e ish- ministrit: Qeveria ta shkarkojë kreun e Bulqizës sepse merr vendime nën efektin e drogës

Gazeta Express

22/01/2020 21:18

Ish- ministri i Drejtësisë, Ylli Manjani shkruan se në kushte normale qeveria duhet ta shkarkojë Allën, sepse ai merr vendime nën efektin e drogës.

Ai vijon më tej ironinë e tij duke u shprehur se qeveria mund ta bëjë shkarkimin e tij vetëm në rastin se është vetë esëll.

“Kryetarja e Bashkisë Durrës nuk bëri asgjë, me thënë të drejtën. Një lapsus në të folurën publike dhe iku!

Ky i Bulqizës është shoqërisht i rrezikshëm sepse merr vendime nën efektin e drogës, por i shkon mendja të rrijë…

Sigurisht, sepse mendja e përhumbur nga droga nuk arrin të kuptojë ku është e ç’bën!!!

Në kushte normale ky zotëria shkarkohet direkt nga Qeveria. Kuptohet, nëse kjo e fundit është esëll…

Çfarë degjenerimi! Nuk e mbajtën dot as një vit pushtetin që grabitën pa zgjedhje”, shkruan Manjani.