IPK me aksion në pesë lokacione, dyshohet për disa keqpërdorues të detyrës zyrtare - Gazeta Express
string(81) "ipk-me-aksion-ne-pese-lokacione-dyshohet-per-disa-keqperdorues-te-detyres-zyrtare"

IPK me aksion në pesë lokacione, dyshohet për disa keqpërdorues të detyrës zyrtare

Lajme

Gazeta Express

19/09/2023 10:23

Inspektorati Policor i Kosovës ka njoftuar për zhvillimin e një operacioni në pesë lokacione të ndryshme ndaj disa të dyshuarve për keqpërdorim të detyrës zyrtare dhe organizim të skemave piramidale dhe bixhoz të kundërligjshëm, shkruan Gazeta Express.

Sipas IPK-së, aksioni është duke u zhvilluar me urdhër të Gjykatës Themelore në Prishtinë.

Lexo Edhe:

“Sot që nga orët e hershme të mëngjesit, Inspektorati Policor i Kosovës (tutje IPK), i mbështetur nga njësi të reagimit të shpejtë të policisë është duke zbatuar një urdhëresë të Gjykatës Themelore në Prishtinë, Departamenti i Krimeve të Rënda, për kontroll dhe sekuestrim të dëshmive që do të gjenden gjatë kontrollit. Operacioni po zhvillohet në pesë (5) lokacione të ndryshme ndaj disa të dyshuarve për keqpërdorim të detyrës zyrtare dhe organizim të skemave piramidale dhe bixhoz të kundërligjshëm.  IPK do ju informoj gjatë ditës për ecurinë e operacionit dhe veprimet e ndërmarra në konsultim me prokurorin e rastit në zbatim të urdhëresës së gjykatës”, thuhet në njoftim.