Inzaghi do të firmosë këtë javë me Al Hilal, largohet nga Interi

Futboll

Gazeta Express

03/06/2025 17:03

Simone Inzaghi do të jetë trajneri i ri i Al Hilal. Lajmin e ka konfirmuar Fabrizio Romano, i cili raporton se trajneri italian do të firmosë brenda kësaj jave kontratën me klubin nga Arabia Saudite.

Marrëveshja është arritur për tre vitet e ardhshme dhe përfshin një pagë shumë të lartë, që reflekton rëndësinë e projektit dhe ambiciet e klubit saudit.

Pas një takimi vendimtar të zhvilluar sot mes Inzaghit dhe drejtuesve të Interit, është bërë e qartë se trajneri do të largohet nga kampionët e Italisë për të nisur një aventurë të re në Lindjen e Mesme.

Sipas Romanos, ndjesia ishte e qartë që një ditë më parë: kjo ishte një lëvizje që “duhej të ndodhte” — dhe tani është e sigurt, Inzaghi do të drejtojë Al Hilal.

Largimi i tij shënon fundin e një epoke të suksesshme me Interin, ku ai fitoi titullin e Serie A dhe u shqua për lojën sulmuese dhe menaxhimin e shkëlqyer të skuadrës.

Tashmë, ai do të ketë një sfidë të re në një kampionat që po tërheq gjithnjë e më shumë emra të mëdhenj të futbollit botëror.