Instituti Albanologjik boton “Albanologji 14/2023”

Arte

Gazeta Express

20/03/2025 15:12

Instituti Albanologjik-Prishtinë boton vëllimin e parë të punimeve të edicionit të katërmbëdhjetë të konferencës shkencore “Java e Albanologjisë”, të mbajtur më datat 19-21 qershor, 2023.

Në këtë botim shkencor, me titullin “Albanologji 14/2023, vëllimi i parë”, janë të botuara punimet e lexuara në sesionet e Degës së Historisë-IAP, Degës së Folklorit-IAP dhe Degës së Etnologjisë-IAP.

Kureshtarët dhe dashamirësit e dijeve albanologjike në këtë botim mund t’i lexojnë punimet e këtyre studiuesve: Naser Ferri, Feti Mehdiu, Besnik Emini, Nuridin Ahmeti, Hasan Bello, Zana Hoxha, Elza Shipoli, Zekirja Shabani, Genc Prelvukaj (Sesioni i Historisë), Leontina Gega-Musa, Albin Sadiku, Vlorë Fetaj-Berisha, Arbnora Dushi (Sesioni i Folklorit), Bashkim Lajçi, Lumnije Kadriu, Angjelina Hamza Hasanaj, Nexhat Çoçaj dhe Rini Useini (Sesioni i Etnologjisë).

Redaksia e këtij vëllimi të “Albanologji 14/2023” përbëhet nga Dr. Hysen Matoshi, Dr. Lulëzim Lajçi, Dr. Arbnora Dushi, Dr, Fadil Grajçevci, Dr. Memli Krasniqi, Dr. Lumnije Kadriu dhe Dr. Naim Berisha.