Instituti Albanologjik, bashkëorganizator i konferencës shkencore “Autobiografia në letërsinë shqipe”

Arte

Gazeta Express

14/04/2025 14:30

Akademia e Shkencave e Shqipërisë, Instituti i Gjuhësisë dhe Letërsisë, Departamenti i Studimeve Letrare dhe Instituti Albanologjik-Prishtinë, Dega e Letërsisë, janë bashkëorganizues i konferencës shkencore me temën bosht “Autobiografia në letërsinë shqipe”, që do të mbahet më 15 prill, ora 09:30, në ambientet e Akademisë së Shkencave të Shqipërisë, gjegjësisht në sallën “Akademikët”.

Në vigjilje të këtij aktiviteti shkencor, u. d. i drejtorit të Institutit Albanologjik, z. Naim Berisha, do t’iu drejtohet të pranishmëve me një fjalë përshëndetëse.

Në këtë konferencë shkencore do të marrin pjesë këta studiues nga Instituti Albanologjik:

Hysen Matoshi: “Ditari si autobiografi”,

Meliza Krasniqi: “Letërsia si akt kujtese: gratë që rikrijojnë heroinat”,

Gëzim Aliu: “(Auto)biografia në letërsi”,

Adil Olluri: “Studimi i Agron Y. Gashit mbi autobiografinë”.