Inspektorët dhe Policia në aksion, inspektohen shoferët e autobusëve dhe taksive

Gazeta Express

21/10/2020 13:05

Inspektorët e Komunës së Prishtinës bashkë me pjesëtarët e Policisë së Kosovës kanë inspektuar sot transportin e udhëtarëve nëpër stacionet kryesore.

Lajmin e ka bërë të ditur vetë Shpend Ahmeti, nëpërmjet një postimi në llogarinë e tij në ‘Facebook’, shkruan Gazeta Express.

“Gjoba për mungesë të distancës është 200 euro për përgjegjësin, 500 euro për kompaninë”, shkruhej në postimin e Ahmetit.

Komuna ende nuk ka bërë të ditur lidhur me numrin e shqiptimit të gjobave ndaj personave që nuk kanë respektuar masat anti-Covid. /Gazeta Express/