E ngarkuara me punë në Izrael, Ines Demiri, ëshë vaksinuar kundër COVID-19, raporton Gazeta Express.
Ines Demiri, e ngarkuar me punë nga Kosova në Izrael, është vaksinuar kundër COVID-19 në një spital në Izrael.
Demiri ka vendosur që dozën e parë të vaksinës ta marrë në ditën kur ajo feston ditëlindjen.
“Pas një periudhe në karantinë, falënderuese dhe e lumtur që e morra dozën e parë të vaksinës, sot – në ditëlindjen time”, ka shkruar Demiri.
Kujtojmë që në kuadër të marrëveshjes ekonomike Kosovë-Serbi e cila u nënshkrua në Shtëpinë e Bardhë në shtator të vitit 2020 në prani të ish-presidentit të SHBA’ve, Donald Trump, u ra dakord edhe për vendosjen e marrëdhënieve diplomatike Kosovë-Izrael.
Pasi Kosova dhe Izraeli vendosën marrëdhënie diplomatike ndërmjet të dy vendeve, Ines Demiri, u emërua e ngarkuar me punë në Izrael.