Incident në Tetovë, plagoset një 15 vjeçar

Gazeta Express

26/01/2020 12:25

Një 15-vjeçar nga Tetova është therë me thikë nga një 16-vjeçar nga Reçica e Vogël mbrëmë pas një zënke verbale që ka eskaluar në përleshje fizike.

Ministria e Punëve të Brendshme bëri të ditur se mbrëmë në orën 19:05 minuta ishte denoncuar se në Tetovë në rrugën “Ilindenska” në një klub një adoleshent 16-vjeçar nga lagjja Reçicë e Vogël, Tetovë pas një zënke verbale, e pastaj edhe fizike me thikë i ka shkaktuar plagë një adoleshenti 15-vjeçar nga Tetova. Adoleshenti i lënduar ishte dërguar në Qendrën Mjekësore në Tetovë për dhënien e ndihmës mjekësore./GazetaExpress/