Imri Ahmeti vazhdon takimet me qytetarë: Përtej fjalëve, ne jemi me punë për Lipjanin

Lajme

Gazeta Express

29/08/2025 22:26

Imri Ahmeti, kryetar i Lipjanit i cili është kandidat edhe për një mandat tjetër nga radhët e LDK-së, ka njoftuar se sonte ka takuar familjen e kandidatit për Kuvendin Komunal, Faton Sefedini.

Ai ka bërë të ditur edhe se gjatë takimit ata kanë biseduar për zhvillimet e deritanishme në komunën e Lipjanit, për investimet në infrastrukturë, si dhe për projektet e ardhshme për këtë qytet.

Postimi:

Sonte vazhduam vizitat tona në familjen e kandidatit për Kuvendin Komunal, Faton Sefedini.

Në prani të familjes Sefedini, miqve dhe përkrahësve të Fatonit, biseduam për zhvillimet e deritanishme në komunën tonë, për investimet në infrastrukturë, si dhe për projektet e ardhshme për qytetin e Lipjanit.

Ndër të tjera, nga të pranishmit kërkova mbështetje për familjarin e tyre, Fatonin, në mënyrë që ta kemi krah nesh në Kuvendin e ardhshëm Komunal.

Në fund, falënderova familjen Sefedini për mikpritjen dhe përkrahjen e vizionit tonë, përtej fjalëve, ne jemi me punë për Lipjanin.