Imami, tifoz i futbollit u bënë thirrje llapjanëve: Mbështetni Llapin e Batatinën në finalen e Kupës

Futboll

Gazeta Express

20/05/2025 20:20

Imami Bekim Jashari është një nga tifozët më të zjarrtë të futbollit, veçanërisht Llapit, pasi edhe vetë vjen nga Podujeva.

Jashari u ka bërë thirrje tifozëve nga Llapi që të marrin pjesë masivisht në finalen e Kupës së Kosovës, aty ku do të ndeshen Llapi e Prishtina.

“Thërras mbarë llapjanët që pasnesër të jenë në mbështetje të trajnerit Batatina dhe klubit Llapi në përballjen e finales të kupës së Kosovës në futboll. Klubi ynë, të enjten përballet me Prishtinën në ora 20 në stadiumin Fadil Vokrri…!”, ka shkruar Jashari.

Ndeshja mes Llapit e Prishtinës do të luhet më 22 maj, ditë e enjte, në stadiumin “Fadil Vokrri” në Prishtinë./GazetaExpress/