Ilir Ferati prezanton programin për të rinjtë: Grant për ata që kthehen në fshat me plane zhvillimi në bujqësi, agroturizëm apo përpunim ushqimor

Lajme

Gazeta Express

03/10/2025 9:58

Kandidati i LDK-së për komunën e Istogut, Ilir Ferati, ka bërë publik një nga pikat kryesore të programit të tij për mandatin e ardhshëm: mbështetje konkrete për të rinjtë që zgjedhin të kthehen në fshat dhe të investojnë në të ardhmen e tyre përmes bujqësisë, agroturizmit apo përpunimit ushqimor.

Përmes një granti të dedikuar, programi synon të inkurajojë të rinjtë me plane të qarta zhvillimi të ndërtojnë jetën dhe karrierën e tyre në zonat rurale të komunës.

“Të kultivojmë së bashku të ardhmen!” – është slogani që përçon vizionin e Feratit, i cili ofron mbështetje për të rinjtë, zhvillim për fshatin. “Rrugëtimi ynë vazhdon me bujqësi”.