Ilir Ferati: Përmbyllje madhështore në Cerrcë, besnikëria ndaj LDK-së nuk mungon kurrë

Zgjedhjet

Gazeta Express

19/09/2025 22:49

Kandidati i LDK-së për kryetar të Istogut, Ilir Ferati, ka zhvilluar përmbylljen e fushatës në Cerrcë, fshatin e Presidentit historik Dr. Ibrahim Rugova.

Ferati u shpreh se Cerrca dhe Lubozhda ndër vite kanë dëshmuar besnikërinë ndaj LDK-së, me mbështetje dhe entuziazëm që nuk kanë munguar asnjëherë. Ai theksoi se kjo lidhje është e veçantë, pasi aty ndodhet edhe vendlindja e Haki Rugovës.

“Ky është një motiv i fuqishëm për rrugëtimin tonë që po vazhdon,” tha Ferati, duke falënderuar banorët e Cerrcës, Lubozhdës dhe fshatrave të tjera për mikpritjen dhe përkrahjen e vazhdueshme.