Ilir Ferati, kandidat i LDK-së për kryetar të Istogut

Lajme

Gazeta Express

23/07/2021 17:47

Lidhja Demokratike e Kosovës ka mbajtur sot mbledhjen e Kryesisë, në të cilën janë zyrtarizuar disa prej kandidatëve për zgjedhjet komunale të 17 tetorit, raporton Express

Express mëson se në këtë mbledhje, kryesia e LDK-së ka marrë vendim që Ilir Ferati të jetë kandidat për kryetar të Komunës së Istogut.

Ferati është anëtar i Kryesisë së LDK-së, ndërkaq ai ka qenë deputet i Kuvendit të Kosovës në legjislaturën e kaluar.

Ai është djali i ish-kryetarit shumëvjeçar të Komunës së Istogut, Fadil Ferati, i cili vdiq në vitin 2010.

Ndryshe, Express sot ka raportuar LDK-ja ka vendosur që në Ferizaj ta kandidojë për kryetare të Komunës sociologen Sibel Halimi.

Pas mbledhjes së kryesisë së LDK-së, pritet të zyrtarizohen edhe kandidaturat tjera për zgjedhjet komunale të 17 tetorit./GazetaExpress/