Igli Tare mohon zërat se Muriqi do të transferohet te CSKA Moscow

Futboll

Gazeta Express

18/01/2022 17:29

Vedat Muriqi nuk do të transferohet në Rusi te CSKA Moscow. Kështu deklaroi drejtori sportiv i Lazios, Igli Tare.

Gjatë ditëve të kaluara u shtuan zërat se Vedat Muriqi kishte pranuar një ofertë nga klubi i njohur rus dhe pritej që edhe ta pranonte.

Megjithatë, sipas Tares kjo nuk është aspak e vërtetë, transmeton Gazeta Express.

“Ishin lajme të rreme. Ai nuk do t’i bashkohet CSKA Moscow”, deklaroi Tare kur u pyet për Muriqin.

Sulmuesi kosovar nuk po arrin ta gjejë te Lazio formën që kishte te Fenerbahce dhe largimi i tij gjatë janarit duket se është i pashmangshëm. /Gazeta Express/