Hyseni e VV’së fton opozitën t’i bashkohet ‘‘raundit të dytë të votimit’’: Nëse duam zgjidhje, e kemi zonjën Feride

Lajme

Gazeta Express

28/04/2026 13:52

Deputetja e Vetëvendosjes, Arbereshë Kryeziu-Hyseni, i ka bërë thirrje partive opozitare që të marrin pjesë në seancë për të zgjedhur presidentin e vendit.

Ajo ka thënë, se kandidatja Feride Rushiti, i ka tashmë votat.

‘’Ju e patë që zonja Feride Rushiti tashmë i ka votat për t’u zgjedh presidente, prandaj unë po e shfrytëzoj rastin të iu bëj thirrje të gjithë deputetëve të partive opozitare që ndryshe prej mbrëmë, sot të jenë prezentë në sallë dhe t’i bashkohen rundit të dytë të votimit, sepse besoj që nëse duam zgjidhje, e kemi rastin të votojmë zonjën Feride, nëse jo, atëherë besoj po shihet qartazi kush është bllokuesi dhe kush po don ta çojë vendin në zgjedhje të reja’’, ka thënë ajo para mediave, përcjell Express.