Humbi 7 të afërm, Evi Reçi mban fjalimin prekës në emision: ‘Asgjë s’vlen sa jeta’

Gazeta Express

03/12/2019 8:56

Këngëtarja dhe moderatorja e njohur Evi Reçi, gjatë tërmetit që tronditi Shqipërinë mëngjesin e 26 Nëntorit, humbi shtatë nga të afërmit e saj. Fatkeqësisht familja e xhaxhait të saj u shua nën rrënoja, Eduard Reçi së bashku me të shoqen, Dolorën dhe dy fëmijët, Klausin dhe Kristin. Po ashtu Evi humbi dhe shoqen e saj të fëmijërisë, Dienën së bashku me të bijën 8 vjeçare Eiselën dhe mamane e saj, Rozen.           

‘Të pranosh të papranueshmen’, kjo i ka ndodhur dhe Evit, e cila pavarësisht të gjithave, po mundohet të tregohet e fortë, pasi të tilla raste të mësojnë se asgjë nuk ka më shumë rëndësi se jeta. Ajo ka publikuar në profilin e saj të Instagramit, një video të shkëputur nga emisioni ‘Vizioni i pasdites’ në të cilën Evi ka mbajtur një fjalim prekës për të afërmit e humbur dhe në fund ka përcjellë mesazhin se bashkë jemi më të fortë se kurrë.