Hoxhaj: Vuçiq e Daçiq po e vazhdojnë politikën e Millosheviqit

Gazeta Express

14/01/2020 15:07

Ish-ministri i Punëve të Jashtme, Enver Hoxhaj, ka thënë se presidenti i Serbisë, Aleksander Vucic, dhe Ivica Daçiq po e vazhdojnë politikën e  Sllobodan Millosheviqit karshi Kosovës

Përmes një reagimi në Twitter, Hoxhaj ka përmendur metodat e përdorura nga Serbia për të blerë çnjohjet e Kosovës.

“Kampanja lobuese kundër Kosovës përmes ryshfetit dhe shitjes ilegale të armëve, dhe veprimeve të ngjashme të këqija tashmë po konfirmohen edhe prej Beogradit. Tipike për një regjim autoritarist si i Vucicit dhe një piuni sovjetik si Daçiqi, që e vazhdojnë politikën e Millosheviqit për Kosovën”, ka shkruar Hoxhaj, raporton Gazeta Express.

Exposed! Serbian lobbying campaigns against #Kosovo through bribing, selling weapons illegally, and similar nasty actions are now confirmed also from #Belgrade. Typical of authoritarian regimes like Vucic’s and a Soviet pawn like Dacic, who continue Milosevic’s policy on Kosovo

— Enver Hoxhaj (@Enver_Hoxhaj) January 14, 2020

Lidhur me lobin serb kundër pavarësisë së Kosovës ka folur sot kreu i diplomacisë serbe, Ivica Daçiq, i cili ka thënë se storiet e treguara në politikania serbe Marinika Tepic rreth asaj se si Serbia ka blerë çnjohjet e Kosovës me para të marra nga biznesmenë të ndryshëm dhe nga tregtia e armëve, i kanë bërë shumë dëm Beogradit zyrtar. /GazetaExpress/