Lista Serbe i ka thënë ambasadorit të SHBA-së në Prishtinë, Jeffrey Hovenier se nuk do të marrin pjesë në zgjedhjet e parakohshme në komunat ky kryetarët nga kjo parti dhanë dorëheqje.
Kryetari i Listës Serbe, Goran Rakiq dhe nënkryetarët e kësaj partie, Dalibor Jevtiq dhe Igor Simiru takuan me ambasadorin Hovenier dhe mëpas njoftuan se s’do të marrin pjesë në zgjedhje derisa të plotësohen kërkesat e tyre. Kryesorja, ësjtë ajo për themelimin e Asociacionit të komunave me shumicë serbe, raporton Gazeta Express.
“Përfaqësuesit e Listës Serbe, qëndruan qartë se partia jonë mbetet konsistente në qëndrimin e saj se nuk do të marrë pjesë në zgjedhjet e ardhshme të parakohshme lokale në komunat në veri të Kosovës, derisa të plotësohen kërkesat që na bënë të largohemi nga institucionet e Kosovës, që është formimi i Bashkësisë së Komunave Serbe dhe tërheqja e të gjitha njësive speciale të Prishtinës nga veriu i Kosovës”, thuhet në njoftim.
23 prilli është data e caktuar për t’u mbajtur zgjedhjet në Veri, por Lista Serbe ende nuk ka aplikuar për certifikim, teksa afati është i hapur deri pasnesër.
Mospjesëmarrja e Listës Serbe rrezikon ta bëjë të dështuar këtë proces.
Zëdhënësi i KQZ-së, Valmir Elezi, tha për Express se nga 9 marsi deri më sot nuk kanë pranuar aplikime të reja.
Zgjedhjet në veri të vendit nuk ishin pjesë e diskutimeve në takimin e së shtunës në Ohër. Por kryeministri i Kosovës, Albin Kurti mori përsipër obligimin që t’i nisë menjëherë diskutimet për t’ua krijuar serbëve një nivel menaxhimi në komunat ku janë shumicë.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...