Hovenier e pret Krasniqin në një drekë pune në rezidencën e tij

Lajme

Gazeta Express

02/06/2023 15:04

Kryetari i Partisë Demokratike të Kosovës, Memli Krasniqi, është pritur në një drekë pune sot në rezidencën e ambasadorit amerikan, Jeffrey Hovenier.

Ai tha se diskutimet me Hovenierin ishin “të frytshme”.

“Raporti i Kosovës me SHBA-në është i shenjtë, i pazëvendesueshëm dhe i përhershëm. Diskutime të frytshme dhe miqësore me ambasadorin amerikan, Jeffrey Hovenier, sot, gjatë një dreke pune në rezidencën e tij”, ka shkruar Memli Krasniqi.

Takimi i ambasadorit amerikan, Jeffrey Hovenier dhe kryetarit të PDK-së, Memli Krasniqi, vjen pas zhvillimeve të fundit në pjesën veriore të Kosovës.