Hoti s’e komenton deklaratën e Trumpit për përqafimin me Vuçiqin në Washington

Gazeta Express

29/09/2020 10:31

Kryeministri i Republikës së Kosovës, Avdullah Hoti, nuk ka pranuar t’i komentojë deklarimet e presidentit të SHBA-së, Donald Trump, i cili gjatë një tubimi në kuadër të fushatës për zgjedhjet presidenciale, ka thënë se kryeministri i Kosovës dhe presidenti i Serbisë janë përqafuar në Zyrën Ovale.

“Unë nuk i komentoj deklaratat e presidentit”, ka thënë shkurtimisht Hoti në një konferencë për media.

Hoti bashkë me Vuçiqin më 4 shtator kanë qëndruar në Washington ku edhe kanë nënshkruar disa zotime që ndërlidhen me investime të ndryshme në autostrada, hekurudha e linja ajrore. /GazetaExpress/