Hoti: Propozuam këto masa pasi Ministria e Financave e rriti vlerën e pronave - Gazeta Express
string(76) "hoti-propozuam-keto-masa-pasi-ministria-e-financave-e-rriti-vleren-e-pronave"

Lajme

Gazeta Express

28/01/2023 13:44

Hoti: Propozuam këto masa pasi Ministria e Financave e rriti vlerën e pronave

Lajme

Gazeta Express

28/01/2023 13:44

Ish-kryeministri i Kosovës, Avdullah Hoti ka thënë se “në kohën e dyfishimit të çmimeve, dyfishohet edhe tatimi në pronë për shkak se Ministria e Financave e rrit vlerën e pronave pa i marrë parasysh rrethanat socio-ekonomike në vend”.

Hoti ka thënë se Lidhja Demokratike e Kosovës(LDK) propozon dhe është e gatshme të mbështesë disa masa.

Lexo Edhe:

Ish-kryeministri Hoti ka propozuar që Ministria e Financave të pezullojë rivlerësimin e pronave dhe faturat për vitin 2023 të llogariten sipas vlerësimeve të mëparshme.

“Ministria e Financave të procedojë në Kuvend Ligjin e ri për Tatim në Pronë për të bërë përshtatjet që reflektojnë situatën e rëndë nga inflacioni”, ka propozuar Hoti.

Tutje Hoti ka propozuar që Ministria e Financave, në bashkëpunim me komunat, gjatë vitit 2023 të bëjë ri-vlerësimin e pronave pas përcaktimit të zonave që marrin parasysh zhvillimin e vendbanimeve dhe ngastrave kadastrale “(kjo për shkak se gjatë ri-vlerësimit të pronave janë përdorur zonat e vjetra pasi ka dështuar sistemi i Departamentit të Tatimit në Pronë)”.