Hoti ka udhëtuar dje për në Bruksel, e zbulon shefi i EULEX-it - Gazeta Express

Lajme

Gazeta Express

15/07/2020 9:55

Hoti ka udhëtuar dje për në Bruksel, e zbulon shefi i EULEX-it

Lajme

Gazeta Express

15/07/2020 9:55

Kryeministri Hoti ka udhëtuar dje në Bruksel, me ç’rast nesër fillojnë bisedimet me Serbinë. Deri më tani zyra për informim e Kryeministrisë nuk ka njoftuar se shefi i Qeverisë ka udhëtuar për në kryeqytetin evropian. Këtë e ka bërë shefi i EULEX-it i cili e ka parë Hotin në aeroplan.

Përmes një postimi në Twitter, shefi i EULEX-it, Lars-Gunnar Wigemark, ka lavdëruar Hotin që ka udhëtuar në klasën ekonomike e jo në atë të biznesit.

“Heqim kapelat për kryeministrin e Kosovës, Avdullah Hoti, i cili sot udhëtoi me ne në klasën ekonomike në aeroplanin Prishtinë – Vjenë dhe më pas në aeroplanin nga Vjena në Bruksel. Sa kryeministra të tjerë të Ballkanit Perëndimor do t’i kursenin të hollat e taksapaguesve në këtë mënyrë?”, ka shkruar Wigemark.

Pas dy diskutimeve në distancë, të enjten pritet të takohen për herë të parë, kokë më kokë kryeministri i Kosovës, Avdullah Hoti, dhe presidenti i Serbisë, Aleksandër Vuçiq.

Në tentim të arritjes së një marrëveshjeje përfundimtare, pas rreth 20 muajsh vonesë, në kryeqendrën evropiane do të rifillojë dialogu Kosovë-Serbi. /GazetaExpress/