Hoffenheimi do t’ia rinovojë kontratën Fisnik Asllanit – sulmuesi dardan do të luajë në Bundesliga sezonin e ardhshëm

Sport

Gazeta Express

13/07/2025 18:20

Sipas raportimeve nga Florian Plettenberg i “Sky Sports”, Hoffenheim është shumë pranë zgjatjes së kontratës së Fisnik Asllanit.

Sulmuesi 22-vjeçar kaloi sezonin e kaluar në huazim te Elversberg, ku shkëlqeu me 18 gola dhe 8 asistime, duke qenë një faktor kyç në arritjen e klubit deri në fazën “play-off” për ngjitje/zbritje në Bundesliga.

Edhe pse Elversberg u eliminua nga Heidenheim në dy ndeshjet e “play-off”-it, Asllani la shenjë me një gol dhe një asist.

Sipas “Sky Sports”, marrëveshja për rinovimin e kontratës së tij përtej vitit 2026 është pothuajse e përfunduar.

Pas një sezoni zhgënjyes për Die Kreichgauer në 2024/25, klubi duket i vendosur të bëjë ndryshime për edicionin e ardhshëm – dhe Fisnik Asllani pritet të ketë një rol të rëndësishëm në projektin e ri në Sinsheim./GazetaExpress/